C’est la declaration du tenement maitre Louys Toustain pour la veufve Jehan Douville que tient et baille | honorable homme Robert Vymont, bourgeois de Lisieux, au droit de deffunct maistre Yves Toustain, assis en la | parroisse d’Oullye le Viconte, contenant huict acres ou envyron en plusieurs pieces tanct en cours, plusieurs maisons | dessus estant, que terre labourable à rente aud. pere en Dieu. Messire Jehan de Vassé, evesque et comte de | Lisieux, ledit tenement borné le tout ensenble la grande riviere, d’aultre costé le grand chemyn tendant | de Lisieux au Pont L’Evesque, d’un bout ledit Vymont à la representation de Guillemme Thilllaye et les héritiers de | Guillemyn Pathouyn et d’aultre bout une [sic] autre chemin qui tend du chemin du Pont L’Evesque au veu de | la planche Gohard et à cause d’icelluy tenement ledict ‘Vymont a’ confessé faire de rente chacun [an] audict seigneur evesque et conte | à sa recepte, au termes des Sandres, trente solz tournois et sy led. Vymont ‘a dict’ estre tenant du tenement qui fut Toustain | pour Salerne, qui ‘est’ comprins en l’enclos dudict tenement dessus borné pour lesd. heritaiges cy dessus speciffiez | à cause duquel il a confessé faire de rentes au terme Saint Michel, traize solz quatre denyers. Item au terme | de Noel, traize solz quatre denyers. Item au terme Sainct Jehan Baptiste traize solz quatre denyers avec foy et hommage | et traizeiesmes, le cas offrant, suyvre la justice ordinaire de mondit seigneur et baon de son moullin par protestation | que la presente declaration ne me pourra [barré : ny] nuyre ny prejudicier à mes droictz, franchises et libertez anciennes et | acoustumez.
Ladicte declaration baillee par moydict Vymont et de moy signee par devant nous Phillippes de Montagu, escuyer, seigneur du lieu | et de Labriere, conseiller du roy en sa court de parlement à Rouen et comissaire de Sa Majesté en ceste partye presente | de maistre Guillaume Desperiers, advocat nostre greffier suivant les lettres patentes du roy donnez à Saint-Maur-|des-Fossez, le deuxiesme jour d’aoust dernier presentz à la court de parlement, le cinquiesme jour d’apvril dernier par lesquelles | le roy veult et ordonne que tous et chacuns les vassaux et subjetz baillent declaration des subjections et | rentes et faisances qui sont tenuz faire aud. seigneur evesque et comte. Lad. declaration baille le XXIe jour de juing, l’an | mil Vc quatre-vingtz et deux, demeuré au Tresor dud. seigneur pour estre comu[ni]qué au procureur fiscal | dud. conte saouf ses blasmes pour y dire comme apartient et faict comme dessus. De Montagu. Vymont

Tènement de la veuve Jean Douville. 15 octobre 1678. J’ay Jean Ricquier sieur des Londes ayant espouzé damoiselle Catherine de Vimont confesse et advoue tenir de mondit seigneur trois pièces de terre la première en cour, plant maisons et manoir et jardins  et les deux autres en herbaiges et plant tout en un tenant au travers desquelles sont deux hayes traversantes icelles le tout en un tenant contenant le tout ensemble huit acres ou viron assises et situées en la paroisse de Nostre Dame d’Ouilly le Viconte bornée aussi le tout ensemble d’un costé le grand chemin tendant de Lizieux au pont l’evesque, d’autre côté la grande rivière de Lizieux à Toucques, d’un bout une ruette ou radresse partant dudit grand chemin de Lizieux au pont l’evesque à aller à la planche au hart, et d’autre bout les héritiers ou représentants feu Me l’auditeur de Vimont en partie et une petite radresse allant au grand chemin de Lizieux, le tout dependant du tènement de la veuve Jean Douville relevant du compté de Lizieux, subject et obligé faire de rente sieurialle par chacun an en la recepte d’icelluy compté au terme des Cendres trente sols en argent à cause desquels hérittaiges manoir jardin et maisons cy dessus mentionnés je suis tenu et subject faire de rente sieurialle par chacun an à mondit seigneur en la recepte de sondit compté audit terme des Cendres sy dessus scavoir est lesdits trente sols en argent sy dessus comme tenant ledit tenement de la veuve Jean Douville seul par tenement neüement caudi ? foy hommage relief treizième le cas offrant, à cause duquel tènement et rentes cy-dessus je doict de mettre et faire pasturer mes bestiaulx dans la grande praye de ce lieu et denpanager mes pourceaux dans les bois de mondit seigneur.

Tènement Me Louis Toustain. 15 octobre 1678. J’ay Jean Ricquier sieur des Londes ayant espouzé damoiselle Catherine de Vimont confesse et advoue tenir de mondit seigneur trois pièces de terre la première en cour, plant maisons et manoir et jardins dessus tenants et les deux autres en cours herbaiges et plant tout en un tenant au travers desquelles sont deux hayes traversantes icelles le tout d’un tenant contenant le tout ensemble huit acres ou viron assises et situées en la paroisse de Nostre Dame d’Ouilly le Viconte bornée aussi le tout ensemble d’un costé le grand chemin tendant de Lizieux au pont l’evesque, d’autre costé la grande rivière de Lizieux au pont l’evesque à Toucques, d’un bout une ruette ou radresse partant dudit grand chemin de Lizieux au pont l’evesque à aller à la planche au hart, et d’autre bout les héritiers ou représentants feu Me l’auditeur de Vimont en partie et une petite radresse allant audit grand chemin de Lizieux, le tout dependant du tènement Me Yves Toustain pour Salladon relevant dudit compté de Lizieux, subject et … faire payer de rente sieurialle par chacun an audit compté en la recepte d’icelluy ascavoir au terme S^t Michel traize sols quatre deniers, au terme de Noël traize sols quatre deniers, à la Saint Jean Baptiste traize sols quatre deniers, à cause desquels hérittaiges manoir jardin et maison cy-dessus mentionnés et bornés je suis tenu et subject faire et payer lesdites rentes susmentionnées et auxdites terres susdites par … en ladite recepte du compté de Lizieux appartenant à mondit seigneur, comme tenant tout lesdits tènements Me Yves Toustain pour Salladon par tènement neüement caudi ? foy hommage relief treizième le cas offrant, à cause duquel tènement et rentes cy-dessus je doict de mettre et faire pasturer mes bestiaulx dans la grande praye de ce lieu et denpanager mes pourceaux dans les bois de mondit seigneur.